දින නියමයක් නැතිව දුම්රිය ගමන් වාර 42ක් අවලංගු කරයි..
අද දින සිට කාර්යාල දුම්රිය හා තවත් ගමන් වාර ද ඇතුළුව දුම්රිය ගමන් වාර 42ක් නැවත දැනුම් දෙන තුරු අවලංගු කර තිබේ.
දුම්රිය දෙපාර්තමේන්තුව නිවේදනයක් මගින් පවසන්නේ දුම්රිය ධාවන කාර්‍යමණ්ඩලය නොමැති වීමේ හේතුවෙන් මෙම පියවර ගත් බවයි.
ප්‍රධාන මාර්ගයේ ගමන් වාර 20ක්, පුත්තලම් මාර්ගයේ ගමන් වාර 4ක්, කැලණිවැලි මාර්ගයේ ගමන් වාර 2ක්, මුහුදුබඩ මාර්ගයේ ගමන් වාර 16ක් මෙසේ අවලංගු කර තිබේ.